Dr. Linda Holste
De Gräunen
(43, Wetenschaftlersch, Lehrersch)
Ik bün för Politik, de tau begriepen is, un Ümwelt un Sozialet stahn för mi ganz babenan. Sünnerlich wichtig is mi dat Mit’nanner in’t Dörp un dat Natur und Rebeete taun Verhalen op Schick hollen ward. Uns Oorte dörven keen Schlapdörper warden, se möt bunt un lebennig blieven.
Benedict Dudda
SPD
(31, Ingenieur Windenergie)
De Minschen in Toppenstedt un Tangendörp hebbt een Heimat verdeent, wo jeder gaud leven kann un mag. Mien Opdrag is, mi jüst dorför nipp un nau stark tau maken.
Johannes Bünger
(44, Filmmaker)
Siet Johr un Dag heff ik de Sitten vun’n Gemeenraat besöcht. Nu ward dat Tied, dat ik mi nich mehr argern dau, sünnern dor sülfst mit bi ween kann. Ik will mitmaken bi´n Raat, de wat up de Been stellen deiht.
Katja Gerlich
De Gräunen
(38, Sozialpädagogsche)
As Pädagogsche liggt mi an’t Hart, dat uns Kinner ehr Ümwelt geern hebbt. Dor will ik ´n gaut Bispill geven. Ik sett mi in för uns Naturschutzrebeet un bün dorgägen, dat so veel Kies ut de Eer halt ward, as plaant is.
Sebastian Papp
(42, Ogenoptikermeester)
Tangendörp un Toppenstedt schüllt wassen – över gesund un mit’n gaudet Üm-un-Bi. Ik will dat uns Dörper Dörper blifft un ein Heimat, in de uns Kinner glücklich groot warden könnt.
Bernhard Foot
(62, Buur un Elektromeester)
Ik bin för Poltik, de ehrlich un gerecht is. Dat bedüd taun Bispill, dat wi’n lütt Rebeet för Gewarv kriggt un keen Logistikgrootanlaaag, de nich tau uns Dörp passen deiht.
Martin Stegner
(43, IT-Baas)
Ümweltschutz mutt sien, wenn wi an de denkt, de na uns kamen doht. Dorüm liggt mi an’t Hart, dat Tangendörp un Toppensedt op lange Sicht wassen könnt. För een Gemeend Siet an Siet mit all Börgers.
Ulrich Putensen
(63, Elektroingenieur)
Ik bün in Tangendörp groot worden, korte Tied weg ween un wedder trügg kamen. Dor is mi klor worden, dat mi de Taukunft wichtiger is as Traditschonen. Ik stah dorför in, dat de Börgers in uns Dörper beter mitmaken könnt un mehr tau weten kriggt. Demokratie un Gerechtigkeit höört för mi tausamen. Dat is mi so wichtig, dat ik dat bewohren will.
Reinhold Groß
SPD
(77, Dipl.-Ing., Fackmann för Affallwirtschaft un Ümweltschutz)
De Raat schall mit sien Arbeit för all Börgers un nich een poor Wenige dor ween. Politik in’t Dörp hett de Opgaav, de Natur tau schützen, dormit de Gemeend ok för uns Kinner un Grootkinner noch veel Weert hett. Ik sett mi dorför in, dat uns Auedaal op Schick hollen ward un will nich, dat dat so kümmt as in de Lausitz na den Afbo von Bruunkahl. Dat passt nich tau de Heid.
Tanja Kahle
(49, Qualitätskontrollöörsch)
Lokalpolitik ward bruukt in uns Dörper. Ik bün bi ZUS, wiel ik wat daun will för dat Woll von Gemeend un Börgers! De Natur un dat apartige Oortsbild schüllt op Schick hollen warden.
Christian Mankartz
(50, Busteedendisponent)
Objektiv, gerecht un op lange Sicht in taukamen Tieden – so schall de Arbeit in’n Raat na mien Meenen utsehn. Ik will een gesunde Taukunft mit Gewarv, dat nich rümaasen deiht, un een dullet Mit’nanner in´t Dörp.
Vivien Pieper
(38, Filmmakersch)
De wichtigst Opgaav vun Lokalpolitik is, so veel Lüüd as möglich mittaunehmen. Dorför mutt’n mit’nanner schnacken. Ik will een Gemeend, in de all frie un apen seggen könnt, wat se wünscht un wat se Sorgen maakt.
Carola Benecke
(41, Anstellte in de Landwirtschaft)
Uns Kinner sünd een Grund dorför, dat wi op’t Dörp tau Huus sünd. Dorüm will ik, dat de Kinnertied ok wiederhen seker un mit de Natur levt warden kann!
Holger Gerlich
(38, Buingenieur)
Ik will een Gemeenraat, bi den nich allens so blifft, as dat ümmer west is. De Raat schall Kurs hebben un den ok ümsetten. Üm dat Mit’nanner buten de Vereene stark tau maken, will ik för Steeden sorgen, wo Börgers sik drapen un schnacken könnt.