TAUsamen

Dat is sowiet. De Gemeend Toppenstedt/Tangendörp hett ’n niege Wählerlist. Taukunft, Ümwelt un Sozialet sünd uns wichtig. Dorför wüllt wi tausamen Politik maken.

Wi sünd Börgers, de anpacken wüllt, un bringt Weten un Können ut verscheeden Rebeeten mit. Wi sünd Urinwahners un Tautreckte, Froens- un Mannslüüd, Handwarkers un Wetenschaftlers mit Doktertitel, Buurn, Ingenieure, Kooplüüd, Pädagogen un Filmmakers. Wi sünd jüst so as uns Dörper: Bunt un patent.

Welk von uns sünd in keen Partei binnen, anner bi de SPD oder de Gräunen, un wi all wünscht uns frischen Wind in ’n Gemeenraat. Wi wüllt, dat Börgers mitmakt un Jo klor un düütlich vertellen, wat fastleggt würd. Wi kiekt nipp un nau: Wat wüllt de Lüüd in Toppenstedt un Tangendörp genau? Wat is nödig, dat Minschen geern hier levt? Woans könnt wi Traditschoonen plegen un op lange Sicht de Taukunft planen?

Wi wüllt de Inwahners ut beid Dörper tausamen bringen un wiesen: Lokalpolitik makt Spaaß. Wi hürt tau, wenn Ji mit uns schnackt un freit uns över Wünsche un Kritik. Vertellt uns, wat Jo Sorgen maakt un wat för Ideen Ji för uns Dörper hebbt. Schnackt mit uns! Fragt uns ut! Vertellt uns, wat Jo nich na de Mütz is un wat Ji Jo vun’n Gemeenraat wünschen doht!